Ed interessant es eir chi ho adüna do eir per exaimpel auturs rumauntschs - ladins u sursilvauns - chi haun pruvo da introdür pleds dad ün oter idiom in lur texts. Que es eir aunch’ün interessant fenomen. Fors’eir perche cha vaivan l’impreschiun (cha) quel pled sursilvan es pü interessant u pü s-chet u pü speciel. Que d’eira craj’Andri Peer e Reto Caratsch chi vaivan pruvo dad introdür il pled „cletg“ – Glück, furtüna – eir in Ladin, cun fuormas scu „clech“ e „clüch“. Nu peran però avair - d’avair gieu furtüna u success cun quel pled. Eau cugnuosch be „fer clüch“ ils övs. Ma, a pera dad esser cha prouvan adüna darcho, e que es aunch’interessant, e minchataunt funcziuna que lura eir da – dad impraster eir sur auturs. Ün cas pü modern es l’autur - barmör, uossa eir – Flurin Spescha, chi vaiva s-chaffieu ün nouv pled u imprast dal tudas-ch per „Schrebergarten“, e ho fat landrour ün „schrebertin“.