Moderator: Schon 1988 hai dau ina emprem’ediziun da La Quotidiana. In’emprova da far ina gasetta dil di cumpletta cun novitads regiunalas, naziunalas ed internaziunalas. Ins leva remplazzar las gasettas dallas valladas: Il Fögl Ladin, La Chasa Paterna-La Pùnt, La Pagina da Surmir e la Gasetta Romontscha. In potenzial da dodisch melli lecturs romontschs. Ina societad ton illustra sco da peisa ei stada davos maisa ed ha truschau e truschau e truschau, ed a la fin ei naschida l’ANR, l’Agentura da novitads romontscha, aber negina Quotidiana. [...] Lezza ha la Gasser SA da Cuera, hoz la Südostschweiz SA, realisau bunamein sur notg e vuliu saver nuot da l’ANR romontscha.
Hans-Peter Lebrument: Auf meinem Tisch oder auf dem Tisch des Chefredaktors liegt gar nichts. Wir wissen gar nicht, was sie tun. Aber zur Zeit tun sie nichts, sie verbrauchen nur Steuergelder.
Jon Domenic Parolini: No vain fat üna sporta al schefredactur da La Quotidiana e quai amo avant Nadal, nempe cha no pudain furnir minchadi üna fin duos paginas traducziuns da novitats naziunalas, internaziunalas, cumprais sport naziunal, internaziunal.
Moderator: Pli tard ha Hanspeter Lebrument tuttina encorschiu che l’ANR ei ina pulita vacca-casa. El ha concentrau la redacziun da La Quotidiana en Surselva e l’ANR, quella sa rapportar da las autras regiuns.