Moderatorin: Schlarigna, tschinquauntamilli francs dapü, Silvaplauna, quarauntamilli francs dapü, La Plaiv, quindeschmilli francs dapü. Trais exaimpels chi muossan, a stuvaiva gnir producieu (prodüt) üna pruna naiv artificiela per ün pêr kilometers loipa da passlung. Normelmaing faun ils prüms la runda süls skis già da november, december. Sainza naiv, impussibel. Que ho eir consequenzas sün las entredgias, scu cha Jachen Bass, il respunsabel da l’organisaziun “Loipas Engiadina / San Murezzan” declera.
Jachen Bass: Cler, scha la glieud nu po far passlung ans mancan ils raps cha (no) pigliain aint cun noss butiers da loipas e da pass, e quai sarà schon ün factor chi manca lura eir fin a la fin da la stagiun. Quai sarà circa ün terz pü poch co oters ons, e quai es “halt” lura raps chi mainchan, cha no pajain (normalmaing) inavo als cumüns.
Moderatorin: E sainza temperaturas bassas, impussibel da fer naiv artificiela. Cun que inavos tals cuosts impü per ils cumüns in Engiadin’Ota. Ramun Ratti, il respunsabel per las loipas i’l territori La Plaiv…