Il chatschader s-chet rumantsch
Voust esser ün nimrod da schlantsch,
il prüm imprenda s-chet rumantsch,
ils pleds tudais-ch lascha davent,
scha voust cha’l boc nu pigl’il vent !
Il «Stutzer» s’discha il schluppet,
il «Blattschuss» es il tun da pet.
Il «Stecher» quai es il schlöppin
il «Zweier» s’discha il quintin.
Il nom per «Schaft” es parachonna
la «Hütte» s’discha la chamonna.
Il «Korn» es per rumantsch la muos-cha
e per il «Zweig» as disch la fruos-cha.
Il «Kolben», char ami, es alch
chi’s disch in s-chet rumantsch il chalch.
La «Mündung» es l’imboccadüra
il «Zug dal Lauf» la rajadüra.